فيروز نحنا والقمر جيران

 

نحنا و القمر جيران
بيتو خلف تلالنا
بيطلع من قبالنا يسمع الألحان

عارف مواعيدنا
و تارك بقرميدنا أجمل الألوان

و ياما سهرنا معو بليل الهنا مع النهدات
و ياما على مطلعو شرحنا الهوى غوى حكايات

نحنا و القمر جيران
لما طل و زارنا
عقناطر دارنا
رشرش المرجان

يا جارة القمر يا أحلى غنيي
يا جارة القمر موجي بهالسهرية

غناني و ذكر حب و سهر
ليل الهوى سهراتك
يا جارة القمر

فيروز _ نطرونا كتير

فيروز- كيف حالك خبرنا

كيف حالك خبرنا
يا ولف مهما صارلا تصدق حدا
خلي ودادك فوق ما ظنوا العدا
قلبي اللي كتبتو إلك باقي إلك
ما بتخلفو الأيام ع طول المدى
بيني وبينك يا ولف عشرة صبا
وعهود مكتوبه على دروب الربى
قلبي لقلبك حن والربع اختبى
وشوقي إلك شوق البنفسج للندى
نحنا الـ قصدنا الحب ما حسبنا حساب
لا للشقى ولا للبكي ولا للعذاب
ومهما حصل في حبنا .. لوم وعتاب
منضل نتفاهم ونحكي ع الهدا
كيف حالك ؟ خبرنا هجرانك حيرنا
بتفارقنا وبتحرقنا
والله اشتقنا يا هاجرنا
كيف حالك ؟ خبرنا
حنينا للأيام وذكرنا حبك
واشتقنا للأحلام وليالي قربك
نحنا ببعدك صنا وعدك
يا ترى بعدك عم تذكرنا ؟
كيف حالك ؟؟ خبرنا
هجرانك أضنى الروح فيض مدمعنا
ولو نعرف رح بتروح كنا تودعنا
بليالينا على ماضينا
ياما بكينا وتحسرنا
كيف حالك خبرنا
مين اللي شغلك مين ؟
عن أهل ربوعك
وما خلالك حنين
ونسيت رجوعك
بعدو الشادي عم بينادي
وبعدو الوادي مستنظرنا
كيف حالك ؟؟ خبرنا,

فيروز - دقيت طل الورد عالشباك

من مسرحية( ناس من ورق) الرائعة
 

دقيت ..... طل الورد عالشباك
وينها ؟.... تلبك ما عاد يحكي
ماتت ؟ لشو تخبّر؟
انا واياك...أنا واياك
وحدنا يا ورد رح نبكي
***
انت و انا يا ورد
وحدنا بهونيك ليلة برد
حكيت لنا حكاية الحلوايه
فايق و شو طالت... حكاية الحلواية
قالت : حلوة انا....
خلصت الحكايه
***
و دقيت عالشباك بعد سنين..... سنين
شفته انفتح كيف شكل ؟ بعدك هون ؟
قال علمتني حلوة الحلوين
ان فليت اترك عطر بهالكون

فيروز يا مايلة ع الغصون

  

يا مايلة عالغصون عيني
سمرا يا حورية
ورد الهوى عندنا
بيموج عالميه

يا مايلة عالغصون عيني
سمرا يا حورية
نسم علينا الهنا
بألحان سحرية

نحنا دعانا الهوى
تانلتقي بعيدو
رحنا بليلة غوى
نقطف عانقيدو
وبعدو الحلو ما أرتوى
وطابت مواعيدو
و تهنا نغني سوا
بليلات قمرية

فيروز قعدت الحلوة

قعدت الحلوة تغزل بمغزالها
وتراجع حساب العتيق ببالها
عمر الهوى..حكاياتها..عهد المضى
وكيف غنت للحلو موالها
مش فايقة حكيت معه من ايمتي..مش فايقة
يمكن بأيام الشتي
سألت اذا بحبها وقلا اسكتي
وقرب ومدري شو ترك ع شالها
وقديش يومها انقال واتألف حكي
وقديش وعيت هالمخدة عالبكي
شو تغار..شو تخبّي ولا كانت تشتكي
وغير القمر ما كان داري بحالها
واليوم حلمها زهّر وعاشوا سوا
وبعدا ظنونها كرم بمهب الهوا
وجروح ليش تعدّها
جروح الهوا...مازالها تركت بحقله غلالها
راضية بفية عيونه راضية
وناسية كل الجروح الماضية
وبدموعها البيضا ع حبه ماضية
حبه سماها وارضها..وتلالها
وقعدت الحلوة تغزل بمغزالها

Fairuz - Shal فيروز - مرخى على الشعر شال